Все записи с тегом: "чалап"
Экии Ѳӊнүк! Шаг экиде — Шагаа чаагай! Эртен, Февраль 16-да моорлап келир, 9 кызыл меӊгилиг, чер олуттуг, Сарыг-Ыт чылын уткуур «ШАГАА» йѳрээлин дамчыдып берейн! Чырыткылыг Будда бойдузундан үнген арыг бодал агымын, шээжилеп алгаш, чонувуска бараалгадып берип болур силер!
0. Ада-Ѳгбелерниӊ мурнундан:
1) Алдын Хүнүм даӊгаарында,
Ыдыктыг Ай чаазы келди.
«Дагаа» чылын үдеп тура,
«Ыт» чылын уткуп тур бис!
2) Буура дег бай чыл-даа эртти,
Бодаган дег чаш чыл келди,
Бедик черге саӊны сырып,
Чем дээжизин сѳӊнеп салыыл!
3) Он чүктерже чалбарыыр дээш,
Орук-Чолун сеткий бердим.
Үүле хирин арыглаар дээш,
Чүдүлгемче кѳрнүп келдим.
4) Эрте берген «Дагаа» чылы
Эртинезин хайырлазын!
Моорлап орар Ыт чылы
Олча-Омаан арбыдатсын! (http://vk.com/doc210045634_459760881)
I. КҮСКЕ:
1) Күӊгүрваалыг Бай Тывалар
Күдүк базып тейлеп алзын.
Алдын-Будда баарын орта
Дагылдарын ѳргүп салзын! (http://vk.com/doc210045634_459760889)
2) Ада-Ие бурганнарын
Оранынче чалап алзын!
Алдын Будда тѳѳгүзүнүӊ, http://www.ivi.ru/watch/budda-buddha-55-serij/159563
Очулгазын кылып алзын! (Очулдуруптар аймакты, шаӊнаар бис!)
3) Күрүневис даргалары
Дѳр бажынче чоошкулазын!
Күдээ-Келин судурларын
Тѳвүттевейн Тывалазын! (http://vk.com/doc210045634_459760895)
4) Чыдыны чок хоорайжылар
Ыт чылында бажыӊналзын!
Ѳргээзи чок тояанчылар
Ѳглүг болуп кажааланзын!
II. ИНЕК:
1) Ужур сагыыр Тыва-Кижи
Улугларны хүндүлезин!
Карактап кѳѳр бичиилерни
Аартыктавайн кижизитсин!
2) Кышкы соокта чычаанныглар
Достунган чон доӊурбазын.
Дыка акша негешпейин
Олча-омаан киирип алзын!
3) Арыг боттуг Тыва-Кижи
Арагазын ѳйлеп алзын!
Таакпызын каар дээннери
Артык чүүлдер сайгарбазын! (Кадыыӊар камнап чоруӊар)
4) Ѳлүрүүшкүн, оор чорук
Тыва оолдан чайлай берзин!
Ѳскерлиичел, кажыыр чорук
Тыва кыстан ырай берзин!
III. ПАР:
1) Арыг дылдыг Тыва-Кижи
Аскы-мурнун хынап чорзун!
Мобильнийге мегележир,
Хоозун чугаа турбас болзун!
2) Кыжын чылыг бажыӊныглар
Тѳрелдерин доӊурбазын.
Дыка аъш-чем негешпейин
Ѳгбе-Чагыын боттандырзын!
3) Байырлалда ижер кижи,
Элээр чонун бодап чорзун!
Ажыг сугну ишпес кижи
Эзирээнин ѳйлээр болзун!
4) Кайызы-даа амзаар улус,
Хѳѳрежипкеш удуп чытсын!
Кайызы-даа ишпес улус,
Хѳѳкүй чонун бактавазын!
IV. ТООЛАЙ:
1) Сеткили ак Тыва-Кижи
Эш-ѳѳрүнге шынчы чорзун!
Адааргажыр, бакты күзээр
Сагыш аарыы турбас болзун!
2) Ажыл-иштиг кызы, оглу
Ажы-тѳлүн аштатпазын!
Шалыӊ биле пенсия чуур
Чарыгдалдар улашпазын!
3) Эртен эрте оттуп келгеш,
Херлип-кѳстүп эглип чорзун!
«Оттуушкун» деп шимчээшкинни (йоганы)
Тоол (5-7) шагында кылып чорзун! (ушу, цыгун, тайчи, кунфу.)
4) Бүдүн хүнде кылыр ижин
Чартыкпайын доозуп алзын!
Түӊнелинде Буян-Кежиин
Чалбарып кааш дыштаныпсын!
V. УЛУ:
1) Угааны бар Тыва-Кижи
Хоойлуну сагып чорзун!
Улуургалдан кем-херектиӊ
Оттуп кээрин билир болзун!
2) Ажылы чок чорумалдар
Чадырын-даа септеп орзун!
Ажылы бар улузунга
Чаартылганы немеп чорзун!
3) Ажыл чокта харын эки,
Даян кылып боданып аар.
Тыва-Дылда судурларны
Дыка таптыг шээжилеп аар.
4) Тѳрел-Аймак демниг болуп,
Ажылдарын хуваажыпсын!
Ѳѳрү чүткээн чоруу чогуп,
Бай-Шыдалын чаалап алзын!
VI. ЧЫЛАН:
1) Тѳрелсирек Тыва-Кижи
Дагылгага киржип чорзун.
Тѳѳгүзүнге ынак оолдар
Сааттыг эжин кагбас болзун!
2) Часкы халыын үезинде
Черин чарып тарытынзын!
Байлак дүжүт бодай берзе
Девискээрин улгаттырзын!
3) Дүрген байыыр сагыш-биле,
Чээлилерже кирбейн чорзун! (Банкыга оочурлаваӊар)
Интернетте мегечиже
Белен акша киирбес болзун!
4) Арын-нүүрлүг улус болза,
Аалдап келгеш чаалап алзын! (http://vk.com/doc210045634_459761598)
Алыс шынын күзээр болза,
Ак саазынга адын салзын! (Бодуӊар %-лиг банк болу бериӊер)
VII. АЪТ:
1) Девискээрлиг Тыва-Кижи,
Оожургалын камнап чорзун!
Бедик арт-сын, хемнер эриин
Бокталдырбас силиг болзун! (Чораан чериӊерге арыгланып чоруӊар)
2) Аӊ-меӊ-балыын ѳйлеп чоруур
Чаӊчылдарын сагып чорзун!
Аал-оранныӊ чуундузун
Чаларадыр чүктүг болзун! (Шагаа айында билип алыӊар)
3) Чыглы берген хѳѳлерни,
Чылдырбайын сыыгадыӊар! (Чегдинип алган улузуӊардан деспеӊер)
Бере каапкан ѳреӊерни,
Негеп чорбайн уттуптуӊар! (Арбыдай бергеш, бир шагда албан эглип кээр)
4) Моорлап келген чоннар-биле (орус, кыргыс, кыдат….)
Тыва-Кижи эптиг чорзун!
Озал-ондаа бүргей берзе
Кыйгыржыптар демниг болзун!
VIII. ХОЙ:
1) Мал-маганныг Тыва-Кижи
Одарларын солуп чорзун! (Кыштай, чазаг, чайлаг…)
Маадырланып чоруп бербейн,
Ооргазын камнап чорзун!
2) Аалчызын хүндүлээнде,
Айбылаптар эптиг болзун!
Ажыы шуут чок чугаа-биле
Артык үе чивес болзун!
3) Хоорайга-даа кирип кээрге,
Хорам болгаш шору болзун!
Үүле-херээн бүдүргенде
Үлештирип билир болзун!
4) Аалычызын үдей бергеш,
Куруг черле үндүрбезин!
Шажын номун, ажын-чемин
Ужур сагып хаптап берзин!
XI. МЕЧИ:
1) Арын-нүүрлүг Тыва-Кижи
Шаӊнал-Мактал манавазын!
Тадыгып аар бодал-биле
Бактадыпкаш амыразын!
2) Мѳѳрейлерге идекпейжи
Мѳге соруун кагбас болзун!
Чуруму чок кижилерни
Ужурлаптар сүрлүг болзун!
3) Тодуг кижи чемгербейин
Аштаан чонга дѳгерип бер!
Тогдунуглуг кижи-биле
Ажыктыг шак чидирбеӊер!
4) Дуза болган эки сүме:
Хүлүмзүрүүӊ ѳргүп-сѳӊне!
Чугаа-соотту хүндүлээрде,
Хүлге ѳӊнүүӊ борай бербе!
X. ДАГАА:
1) Буяны бар Тыва -Кижи,
Будда ышкаш боданыӊар!
Буруу минир байдал келзе
Улуурганып частырбаӊар!
2) Кудумчуга, кайзынга-даа
Мендилежип чоруулуӊар!
Чуртувустуӊ кайзынче-даа
Менди чаагай аъттаныӊар!
3) Бодун бодаар «МЕН» деп шулбус,
Хүнден-хүнче бичиилезин!
Богда Башкым чоргаар чоруу,
Бүгү чонну чүглендирзин!
4) Дагаа чылда чедиишкиннер,
Ыт чылынче дамчып келзин!
Далай дег хѳй чидириглер,
Чыл бажынче кирдинмезин!
XI. ЫТ :
1) Чылы кирген Тыва-Кижи,
Дыка хѳлзеп далашпазын!
Меӊгизи-даа киргеннери
Менээргелге алыспазын!
2) Сарыг-Шажын Башкызынга (Geshe.ru)
Ыт ышкаш бердинген бол! (http://vk.com/doc210045634_459760919)
Хаан-Кадын арын-нүүрүн
Ыт ышкаш камгалап чор! (Арыг демдектери бар болза)
3) Хѳлүн эртир чымчак болбайн,
Ѳѳдечокту чагырып ор.
Хѳлүн эртир каржы болбайн,
Ѳѳртүр сүмеӊ дамчыдып ор!
4) Эмин эртир харам чорбайн,
Байлааӊ-биле үлежип чор! (Артык эдиӊер, бок болбаанда, берип чоруӊар)
Эмин эртир берип чорбайн,
Байдалыӊны байыдып чор!
XII. ХАВАН:
1) Мѳӊге эвес Тыва-Кижи
Ѳлүмүнге белен чорзун! (Тыва чоннуӊ Хүн-Судурун номчуп ап чоруӊар)
Муӊгаралга алыспайын
Буян-Шѳлүн билир болзун! (Судурларда бижип каан)
2) Кежээлерде орайтавайн,
Эрте удуп ѳѳрениӊер! (Бо чуртталгага дыка хандыкшываӊар)
Кара дүне интернетке
Карак кадыын үревеӊер!
3) Улуг-Тыва чурттувуска
Найыралдыг чуртаалыӊар!
Судурларны Тыва дылга
Сайзырадып номчуулуӊар!
4) Думаа-ханаа турбас болзун! (http://vk.com/doc210045634_459760871)
Дуӊма-чаштар ѳзүп чорзун! (Кыстар дүжүртүүшкүн кылбаӊар, оолдар чаш тѳлдүг эжиӊер кагбаӊар!)
Хей-Аъдывыс бедик болзун! http://vk.com/doc360495584_459118815
Сеткиливис чырып чорзун!
5) Шаг экиде — ШАГАА чаагай,
Угаан-Кежии кураай-курай!
Шаавыс-биле — ШАГАА чаагай,
Кадык-Кежии кураай-курай!
6) Шаандан тура — ШАГАА чаагай,
Малдыӊ-Кежии кураай-курай!
Шамбалада — ШАГАА чаагай,
Аскым-Кежии КУРААЙ-КУРАЙ!Моорлап келген Ыт-Чылы:
а) Сүүзүннүг бо йѳрээлдерни, шаӊнал-макталга чедир,
эки күүскеткен кижини, эктин ажыр эт-сеп-биле,
бажын ажыр мал-маган-биле ШАӉНААР-ла болзунам!
б) Үш ал-бодун харамнанып, шүгүмчүледиринге чедир,
багайтыр чаӊнаар кижини, эктинден куду элээшкин-биле,
бажындан куду баскыраашкын-биле ШААЖЫЛАВАС-ла болзунам!Автору: Ооржак Ш.Э. (http://vk.com/id360495584)
2018 чылдыӊ, Февраль 15.
(((Мону Тыва чонувусче таратчыр болзуӊарза, Буян-Кежик чыыжы Тыва чурттувуска доктаар болзун!!!)))
Бал Маскарад силер бугудени чалап тур)) Вход строго в маскарадных костюмах))
Косметика садар, даараныр, косметолог, парикмпхер дээн чижектиг бажыннарында ажылдап орар мастерлерни помещение ге ажылдаары биле чалап тур мен. Харылзажыр телефону 89235490543
Шагаан-Арыгнын УКП-зи (вечерняя школа) 2017-2018 ооредилге чылында оореникчилерни чалап тур: 10 класс, 11 класс, 12 класс. Херек документилер: 1. Паспорт (копия) 2. Аттестат (9 кл дооскан, копия) 3. ИНН (копия) 4. СНИЛС (копия) Адрези: ул. Подгорная, 2. Администрация
Шуптунарны тусовкаже чалап тур бис!
ТР-нын алдарлыг артизи БОРБАК-ООЛ САЛЧАК Улуг сценада 10 чыл, уран-чуул шугумунда 20 чыл болган оюн демдеглээн кежээзинче, корукчу, дыннакчы хой санныг хундулуг чонун сеткилинин ханызындан чалап туру!!! Концертке кээп, сагыш-хандыр, эки бодалдарлыг дыштанып алырынарны кузедивис!!!
ТР-нын алдарлыг артизи БОРБАК-ООЛ САЛЧАК Улуг сценада 10 чыл, уран-чуул шугумунда 20 чыл болган оюн демдеглээн кежээзинче, корукчу, дыннакчы хой санныг хундулуг чонун сеткилинин ханызындан чалап туру!!! Концертке кээп, сагыш-хандыр, эки бодалдарлыг дыштанып алырынарны кузедивис!!!
Чалап тур бис ! Анонимно
http://vk.com/wall-85794586_256Чалап тур бис ! Анонимно
